Identitatea
Mekanizazioaren sektoreko artisauak
Pieza bakarren
fabrikazioan adituak
EUSKAL HERRIA
Mitxelena Euskal Herrian dago, Europako hegoaldeko industriagune nagusietako batean, Frantzia eta Espainia lotzen dituen ardatz atlantikoko puntu estrategiko batean.
ERANTZUNKIDETASUN SOZIALA
Mitxelenan konpromiso irmoa dugu erantzunkidetasun sozialarekin. Hala, enpresaren helburuetako bat da bere jarduera ekonomikoak ongizate komunari ekarpena egitea.
KOOPERATIBA
Enpresako gizon-emakumeak dira gure aktibo nagusia: denok hartzen dugu parte, denok gara partaide, eta bezeroari mesede egiten dio horrek. 2000. urteaz geroztik, Mitxelena KOOPERATIBA bat da. Gure ibilbidean zehar, langileek aktiboki parte hartu dute kooperatibak izan dituen erronkei aurre egiteko orduan. Enpresaren 60 urteko ibilbidea da bere iraganaren bermea, eta talde kohesionatua eta kualifikatua izateak bermatzen du bere etorkizuna. Gaur egun, langileen % 85 da bazkide.
ESPEZIALIZAZIOA ETA ESPERIENTZIA
1975ean sortu zenetik, Mitxelenan prestakuntza handiko lan-taldea izan dugu. Izan ere, garrantzi berezia ematen diogu barne-prestakuntzari, eta makina bakoitzeko langile guztiak makina horretako espezialista bihurtzen dira. Enkargu bakoitza bakarra izan arren, esperientzia zabala dugu pieza bereziak fabrikatzen.
AHOLKULARITZA ETA ELKARLANA
Bezero eta enpresa asko etortzen dira gure instalazioetara, pieza berriak diseinatzean sortzen zaizkien galderak egitera eta zalantzak argitzera. Gure esperientziari esker, diseinuetan aldaketak eragin ditzaketen xehetasunak azaltzen dizkiogu bezeroari.
ERRONKAK
Berrikuntzarekiko eta etengabeko prestakuntzarekiko konpromisoari esker egiten diegu aurre gure bezeroek jartzen dizkiguten erronkei.
EUSKAL HERRIA
Euskal Herrian kokatuta gaude, Estatu Espainiarraren eta Frantsesaren arteko ardatz atlantikoaren puntu estrategikoan.
