Talleres Mitxelenan ingurumenarekiko konpromisoa ez da hitz hutsa. Gure jardueraren eraginari neurria hartzeko eta hura hobetzeko bidean aurrerapauso berria eman dugu: Espainiako Trantsizio Ekologikorako Ministerioaren (MITECO) karbono-aztarnaren erregistro ofizialean inskribatu ginen eta 2023an «KALKULATU» eta «MURRIZTU» zigilu ofizialak eskuratu genituen.
Zigilu horrek egiaztatzen du Mitxelenak bere jardueraren karbono-aztarna lau urtez kalkulatu duela, eta 3. Irismena hautatu dugula, hau da, inpaktuaren azterketa zorrotzena aplikatu dugula. Gainera, emisioak murrizteko konpromisoa hartu dugu. Aurrerantzean, emisioen jaitsiera neurgarria eta frogagarria izatea izango da gure erronka.
Zer da MITECOren zigilua?
MITECOk eskaintzen duen karbono-aztarnaren erregistroa borondatezkoa da, eta helburu du enpresak emisioak kalkulatu, murriztu eta konpentsatzeko urratsak egitera bultzatzea. Zigiluak hiru fase bereizten ditu:
- KALKULATU: karbono-aztarna kalkulatua eta balioztatua dago.
- MURRIZTU: emisioak murrizteko neurriak aplikatzen hasi dira.
- KONPENTSATU: emisioak absorbatzen dituzten proiektuetan parte hartzen da.
Gaur-gaurkoz, Mitxelenak «KALKULATU» eta «MURRIZTU» mailak eskuratu ditu, eta etorkizunera begira «KONPENTSATU» fasearen norabidean lan egiten jarraituko dugu.
Zertarako balio du horrek guztiak?
- Gardentasuna eta erantzukizuna erakusten du gure bezero, hornitzaile eta langileen aurrean.
- Bezero eta merkatu esanguratsuen aurrean lehiakortasuna handitzen du, batez ere Europa mailan.
- Etorkizunean, murrizketa eta konpentsazio faseetara pasatzeko oinarri sendoa jartzen du.
Jasangarritasuna ez da irudi kontu bat, etorkizunera begirako estrategia baizik, eta Mitxelenan horretan sinesten dugu: ingurumena zaintzea gure lanaren parte dela.
